ANNAMAYYA SAMKIRTANALU--TATWAMULU

V ANANDA BHATTAR
నిత్యాత్ముడై యుండి నిత్యుడై వెలుగొందు
సత్యాత్ముడై యుండి సత్యమై తానుండు
ప్రత్యక్షమై యుండి బ్రహ్మమై యుండు సం-
స్తుత్యుడీ తిరువేంకటాద్రివిభుడు

 ఏమూర్తి లోకంబులెల్ల నేలెడునాత-
డేమూర్తి బ్రహ్మాదులెల్ల వెదకెడునాత-
డేమూర్తి నిజమోక్షమియ్య జాలెడునాత-
డేమూర్తి లోకైకహితుడు
యేమూర్తి నిజమూర్తి యేమూర్తియును గాడు
యేమూర్తి త్రైమూర్తు లేకమైనయాత-
డేమూర్తి సర్వాత్ము డేమూర్తి పరమాత్ము-
డామూర్తి తిరువేంకటాద్రివిభుడు

యేదేవుదేహమున నిన్నియును జన్మించె
నేదేవుదేహమున నిన్నియును నణగె మరి
యేదేవువిగ్రహం బీసకల మింతయును
యేదేవునేత్రంబు లినచంద్రులు
యేదేవు డీజీవులిన్నింటిలో నుండు
నేదేవుచైతన్య మిన్నిటికి నాధార-
మేదేవు డవ్యక్తు డేదేవు డద్వంద్వదు-
డాదేవుడీ వేంకటాద్రివిభుడు

యేవేల్పుపాదయుగ మిలయునాకాశంబు
యేవేల్పుపాదకేశాంతం బనంతంబు
యేవేల్పునిశ్వాస మీమహామారుతము
యేవేల్పునిజదాసు లీపుణ్యులు
యేవేల్పు సర్వేశు డేవేల్పు పరమేశు-
డేవేల్పు భువనైకహితమనోభావకుడు
యేవేల్పు కడుసూక్ష్మ మేవేల్పు కడుఘనము
ఆవేల్పు తిరువేంకటాద్రివిభుడు

 nityaatmuDai yuMDi nityuDai velugoMdu
satyaatmuDai yuMDi satyamai taanuMDu
pratyakshamai yuMDi brahmamai yuMDu saM-
stutyuDee tiruveMkaTaadrivibhuDu

cha : emoorti lOkaMbulella neleDunaata-
Demoorti brahmaadulella vedakeDunaata-
Demoorti nijamOkshamiyya jaaleDunaata-
Demoorti lOkaikahituDu
yemoorti nijamoorti yemoortiyunu gaaDu
yemoorti traimoortu lekamainayaata-
Demoorti sarvaatmu Demoorti paramaatmu-
Daamoorti tiruveMkaTaadrivibhuDu

 yedevudehamuna ninniyunu janmiMche
nedevudehamuna ninniyunu naNage mari
yedevuvigrahaM beesakala miMtayunu
yedevunetraMbu linachaMdrulu
yedevu DeejeevulinniMTilO nuMDu
nedevuchaitanya minniTiki naadhaara-
medevu Davyaktu Dedaevu DadvaMdvadu-
DaadevuDee veMkaTaadrivibhuDu

 yevelpupaadayuga milayunaakaaSaMbu
yevelpupaadakeSaaMtaM banaMtaMbu
yevelpuniSvaasa meemahaamaarutamu
yevelpunijadaasu leepuNyulu
yevelpu sarveSu Develpu parameSu-
Develpu bhuvanaikahitamanObhaavakuDu
yevelpu kaDusookshma mevelpu kaDughanamu
aavelpu tiruveMkaTaadrivibhuDu

ANNAMAYYA LYRICS BOOK NO--10

SAMKIRTANA NO-75

RAGAM MENTIONED--SRIRAGAM

ANNAMAYYA SAMKIRTANALU--TATWAMULU

K.J.YESUDAS

వాడలవాడలవెంట వాడివో
నీడనుండీ చీరలమ్మే నేతబీహారి

పంచభూతములనెడి పలువన్నె నూలు
చంచలపుగంజి వోసి చరిసేసి
కొంచెపుకండెలనూలిగుణములనేసి
మంచిమంచిచీరలమ్మే మారుబేహారి

మటమాయముల తనమగువ పసిడినీరు
చితిపొటియలుకల జిలికించగా
కుటిలంపుజేతలు కుచ్చులుగా గట్టి
పటవాళిచీరలమ్మే బలుబేహారి

మచ్చికర్మమనేటి మైలసంతలలోన
వెచ్చపుకర్మధనము వెలువచేసి
పచ్చడాలుగా గుట్టి బలువేంకటపతి
ఇచ్చలకొలందులనమ్మే యింటిబేహారి

vADalavADalaveMTa vADivO
nIDanuMDI cIralammE nEtabIhAri

paMcabhUtamulaneDi paluvanne nUlu
camcalapugaMji vOsi carisEsi
komcepukaMDelanUliguNamulanEsi
maMcimaMcicIralammE maarubEhAri

maTamAyamula tanamaguva pasiDinIru
citipoTiyalukala jilikimcagA
kuTilaMpujEtalu kucculugA gaTTi
paTavALicIralammE balubEhAri

maccikarmamanETi mailasamtalalOna
veccapukarmadhanamu veluvacEsi
paccaDAlugA guTTi baluvEMkaTapati
iccalakolamdulanammE yiMTibEhAri
ANNAMAYYA LYRICS BOOK NO--1
SAMKIRTANA NO--275
RAGAM MENTIONED--VARALI

అన్నమయ్య భక్తుడు మాత్రమే కాదు. ఓ సామాజిక వేత్త కూడా. భగవద్భక్తినే కాదు... మన సంస్కృతిని ప్రచారం చేయాలి, ముందుకు తరాలకు అందించాలి అన్న స్పృహ ఉన్న మహాను భావుడు. ఇదిగో ఈ కీర్తన చూడండి... స్వామివారిని బట్టల వర్తకుడిగా అభివర్ణిస్తూ... చేనేత వృత్తిని ఈ కీర్తనలో ప్రతిబింబింప జేశారు. అంటే అడుగడుగునా భగవంతుడే ఉన్నాడు. పని చేసే ప్రతి చోటూ ఆయన రూపమే అని చెబుతున్నాడు. అంటే అన్నమయ్య పనులన్నీ మానుకుని భగవంతుణ్ని పూజించమని చెప్పలేదు... పనిలోనే భగవంతుణ్ని చూడమంటున్నాడు. ప్రతి వ్యక్తిలోనూ భగవంతుడు ఉన్నాడు అన్నారు. ఆయన సైతం అలానే చూశారు. మనల్ని అలాగే చూడమంటున్నారు.
COMENTARY BY 
NAGASAI SURI PARAVASTU

ANNAMAYYA SAMKIRTANALU--TATWAMULU

SHOBHARAJ

గడ్డపారమింగితే ఆకలితీరీనా యీ-
వొడ్డినభవము దన్ను వొడకమ్ముగాక

చించుక మిన్నులబారేచింకలను బండిగట్టి
వంచుకొనేమన్న నవి వసమయ్యీనా
యెంచరాని యింద్రియము లెవ్వరికి నేలచిక్కు
పొంచి పొంచి వలపుల బొండబెట్టుగాక

మంటండేయగ్గిదెచ్చి మసిపాత మూటగట్టి
యింటిలోన దాచుకొన్న నితవయ్యీనా
దంటమంకారమిట్టే తన్నునేల సాగనిచ్చు
బంటుజేసి ఆసలనే పారదోసుగాక

పట్టరానివిషముల పాముదెచ్చి తలకింద
బెట్టుకొన్నానది మందపిలి వుండీనా
వెట్టసంసారమిది వేంకటేశుగొలువని-
వట్టిమనుజుల పెడవాడబెట్టుగాక


gaDDapAramimgitE AkalitIrInA yI-
voDDinabhavamu dannu voDakammugAka

ciMcuka minnulabArEciMkalanu baMDigaTTi
vaMcukonEmanna navi vasamayyInA
yeMcarAni yimdriyamu levvariki nElacikku
pomci pomci valapula bomDabeTTugAka

maMTamDEyaggidecci masipAta mUTagaTTi
yiMTilOna dAcukonna nitavayyInA
daMTamamkAramiTTE tannunEla sAganiccu
baMTujEsi AsalanE pAradOsugAka

paTTarAniviShamula pAmudecci talakiMda
beTTukonnAnadi mamdapili vuMDInA
veTTasamsAramidi vEMkaTESugoluvani-
vaTTimanujula peDavADabeTTugAka
ANNAMAYYA LYRICS BOOK NO--1
SAMKIRTANA NO--177
RAGAM MENTIONED--KAMBODI

ANNAMAYYA SAMKIRTANALU--TATWAMULU

N.C.SRIDEVI

భక్తి కొలది వాడే పరమాత్ముడు
భుక్తి ముక్తి తానే ఇచ్చు భువి పరమాత్ముడు

పట్టిన వారిచే బిడ్డా పరమాత్ముడు

బట్ట బయటి ధనము పరమాత్ముడు
పట్టపగటి వెలుగు పరమాత్ముడు
ఎట్ట ఎదుటనే ఉన్నాడిదె పరమాత్ముడు

పచ్చి పాలలోని వెన్న పరమాత్ముడు
బచ్చన వాసిన రూపు పరమాత్ముడు
బచ్చు చేతి వొరగల్లు పరమాత్ముడు
యిచ్చ కొలది వాడువో యీ పరమాత్ముడూ

పలుకులలోని తేట పరమాత్ముడు
ఫలియించునిందరికి పరమాత్ముడు
బలిమి శ్రీవేంకటాద్రి పరమాత్ముడు
యెలమి జీవుల ప్రాణమీ పరమాత్ముడు


bhakti koladi vaaDE paramaatmuDu
bhukti mukti taanE ichchu bhuvi paramaatmuDu

paTTina vaarichE biDDA paramaatmuDu
baTTa bayaTi dhanamu paramaatmuDu
paTTapagaTi velugu paramaatmuDu
eTTa eduTanE unnaaDide paramaatmuDu

pachchi paalalOni venna paramaatmuDu
bachchana vaasina rUpu paramaatmuDu
bachchu chEti voragallu paramaatmuDu
yichcha koladi vaaDuvO yI paramaatmuDU

palukulalOni tETa paramaatmuDu
faliyinchunindariki paramaatmuDu
balimi SrIvEnkaTaadri paramaatmuDu
yelami jeevula praaNamee paramaatmuDu

ANNAMAYYA LYRICS BOOK NO--1

SAMKIRTANA--410

RAGAM MENTIONED--RAMAKRIYA

ANNAMAYYA SAMKIRTANALU--SRUNGARAM

P.S.RANGANATH


బంగారుమేడలలోన పరమాత్ముడువాడే
సింగారాలు మీదమీద సేయరే చెలులు

తట్టుపుణుగులనూనె తగనిండా నంటుకొని
గట్టిగా కస్తూరి యటకలివెట్టి
మట్టులేని పన్నీట మజ్జనమాడెనిదే
వెట్టదీరనిందరును విసరరే చెలులు

కప్పురపు గంధవొడి కడునిట్టె మెత్తుకొని
కొప్పు దువ్వి ముడిచెను గొజ్టంగలెల్లా
తెప్పలుగా నించుకొనె తిరుమేన సొమ్ములెల్లా
దప్పిదేర వెడెమీరే తలకొని చెలులు

అలమేలుమంగ నురమందు నిట్టె నించుకొని
తలసిదండలు మోచె నిలువునను
చెలరేగి యారగించె శ్రీవేంకటేశ్వరుడు
కొలువున్నాడు మోహాలు గుప్పరే చెలులు

bamgArumEDalalOna paramAtmuDuvADE

siMgArAlu mIdamIda sEyarE celulu

taTTupuNugulanUne taganiMDA naMTukoni

gaTTigA kastUri yaTakaliveTTi

maTTulEni pannITa majjanamADenidE

veTTadIraniMdarunu visararE celulu

kappurapu gaMdhavoDi kaDuniTTe mettukoni

koppu duvvi muDicenu gojTamgalellA

teppalugA nimcukone tirumEna sommulellA

dappidEra veDemIrE talakoni celulu

alamElumaMga nuramMdu niTTe niMcukoni

talasidaMDalu mOce niluvunanu

celarEgi yAragiMce SrIvEMkaTESwaruDu

koluvunnADu mOhAlu gupparE celulu

ANNAMAYYA LYRICS BOOK NO--23

SAMKIRTANA NO--330

RAGAM MENTIONED--SRIRAGAM

ANNAMAYYA SAMKIRTANALU--SARANAGATI

NITYASREE MAHADEVAN
ధృవవరదా సంస్తుతవరదా
నవమైనయార్తుని నన్నుగావవే

కరిరాజవరదా కాకాసురవరదా
శరణాగతవిభీషణవరదా
సిరులవేదాలు నిన్ను జెప్పగా వినీని
మరిగి మఱగుజొచ్చే మమ్ముగావవే

అక్రూరవరదా అంబరీషవరదా
సక్రాది దివిజ నిచయవరదా
విక్రమించి యిన్నిటా నీవే ఘనమని నీకు
చక్రధర శరణంటి సరిగానవే

ద్రౌపదీవరదా తగనర్జునవరదా
శ్రీపతీ ప్రహ్లాశిశుదవరదా
యేపున శ్రీవేంకటాద్రి నిటునేను నాగురుడు
చూపగా గొలిచే నచ్చుగ గావవే


dhRvavaradA samstutavaradaa
navamainayArtuni nannugAvavE

karirAjavaradA kAkAsuravaradA
SaraNAgatavibhIShaNavaradA
sirulavEdAlu ninnu jeppagA vinIni
marigi ma~ragujoccE mammugAvavE

akrUravaradA aMbarIShavaradA
sakrAdi divija nicayavaradA
vikramiMci yinniTA nIvE ghanamani nIku
cakradhara SaraNaMTi sarigAnavE

droupadIvaradA taganarjunavaradA
SrIpatI prahlASiSudavaradA
yEpuna SrIvEMkaTAdri niTunEnu nAguruDu
cUpagA golicE naccuga gAvavE

ANNAMAYYA LYRICS BOOK NO--20
SAMKIRTANA NO--73
RAGAM MENTIONED--MALAVI

ANNAMAYYA SAMKIRTANALU--SARANAGATI

PASUPATI
ఎండగానీ నీడగానీ యేమైనగానీ
కొండలరాయడే మాకులదైవము

తేలుగాని పాముగాని దేవపట్టయినా గాని
గాలిగాని ధూళిగాని కానీ యేమైనా
కాలకూటవిషమినా గక్కున మింగిన నాటి-
నీలవర్ణుడే మా నిజదైవము

చీమగాగాని దోమగాని చెలది యేమైనగాని
గాముగాని నాముగాని కానీ యేమైనా
పాములనిన్నిటి మింగేబలుతేజిపైనున్న-
ధూమకేతువే మాకు దొరదైవము

పిల్లిగాని నల్లిగాని పిన్నయెలుకైనాగాని
కల్లగాని పొల్లగాని కానీ యేమైనా
బల్లిదుడై వేంకటాద్రిపైనున్న యాతడే మ-
మ్మెల్లకాలమును యేలేయింటిదైవము
BKP

eMDagAnI nIDagAnI yEmainagAnI

koMDalarAyaDE mAkuladaivamu

tElugAni pAmugAni dEvapaTTayinaa gAni

gAligAni dhULigAni kAnI yEmainA

kAlakUTaviShaminA gakkuna mimgina nATi-

nIlavarNuDE mA nijadaivamu

cImagAgAni dOmagAni celadi yEmainagAni

gAmugAni nAmugAni kAnI yEmainA

pAmulaninniTi miMgEbalutEjipainunna-

dhUmakEtuvE mAku doradaivamu

pilligAni nalligAni pinnayelukainAgAni

kallagAni pollagAni kAnI yEmainA

balliduDai vEMkaTAdripainunna yAtaDE ma-

mmellakAlamunu yElEyiMTidaivamu

ANNAMAYYA LYRICS BOOK NO--1

SAMKIRATAN NO--214

RAGAM MENTIONED--BOULI

35TH RAGI REKU

ANNAMAYYA SAMKIRTANALU--TATWAMULU

BKP

ఏది తుద దీనికేదిమొదలు
పాదుకొను హరిమాయ పరగు జీవునికి

ఎన్ని బాధలు దనకు నెన్ని లంపటములు
యెన్నివేదనలు మరి యెన్ని దు:ఖములు
యెన్ని పరితాపంబులెన్ని తలపోతలు
యెన్ని చూచిన మరియు నెన్నైన గలవు

యెన్ని కొలువులు దనకు నెన్ని యనుచరణలు
యెన్నియాసలు మరియు నెన్ని మోహంబులు
యెన్ని గర్వంఉలు దనకెన్ని దైన్యంబులివి
యిన్నియును దలప మరియెన్నైన గలవు

యెన్నిటికి జింతించు నెన్నిటికి హర్షించు
నెన్నిటికి నాసించు నెన్నిటికి దిరుగు
యిన్నియును దిరువేంకటేశు లీలలుగాగ
నెన్ని చూచినను దానెవ్వడును గాడు

Edi tuda dInikEdimodalu

pAdukonu harimAya paragu jIvuniki

enni bAdhalu danaku nenni laMpaTamulu

yennivEdanalu mari yenni du:Kamulu

yenni paritApaMbulenni talapOtalu

yenni cUcina mariyu nennaina galavu

yenni koluvulu danaku nenni yanucaraNalu

yenniyAsalu mariyu nenni mOhaMbulu

yenni garvaMulu danakenni dainyaMbulivi

yinniyunu dalapa mariyennaina galavu

yenniTiki jiMtiMcu nenniTiki harShiMcu

nenniTiki nAsiMcu nenniTiki dirugu

yinniyunu diruvEMkaTESu lIlalugAga

nenni cUcinanu dAnevvaDunu gADu

ANNAMAYYA LYRICS BOOK NO--1

SAMKIRTANA NO--102

RAGAM MENTIONED--BOULI

ANNAMAYYA SAMKIRTANALU--SRUNGARAM

PADMAVATHI


చాలామేలుదిరా ఈ బాలామణిపుడు నీ
పాలిటచిక్కెరా గోపాలకకృష్ణమ్మా

పంకాజముఖి నీవంకచూచినప్పుడే
పొంకముగా వలచె యింకానేమందురా
సంకెలేక నీమీద నంకితమైన పాట
లంకించిపాడీ నీతో లంకెలకృష్ణమ్మా

పల్లాదమున నీవు మొల్లామినందరిలో
మొల్లాపూబంతివేయ జల్లున కరగెరా
మెల్లానే వ్రాసిచూచీ చల్లాగ నీరూపమె 
కల్లా గాదురా శ్రీవల్లభ కృష్ణమ్మా

తటుకాన నీవప్పుడు నటనాలాసరసాన
యిటునటు కాగిలించ నెట్లా దా జొక్కెరా
విటరాయడవు శ్రీవేంకటనాధ నీకూటమి
ఘటియించ వేడుక మిక్కుటమాయ కృష్ణమ్మా

cAlAmEludirA I bAlAmaNipuDu nI
pAliTacikkerA gOpAlakakRShNammA

paMkaajamukhi nIvaMkacUcinappuDE
poMkamugA valace yiMkAnEmaMdurA
saMkelEka nImIda naMkitamaina pATa
laMkiMcipADI nItO laMkelakRShNammA

pallAdamuna nIvu mollAminaMdarilO
mollApUbaMtivEya jalluna karagerA
mellAnE vrAsicUcI callAga nIrUpame 
kallA gAdurA SrIvallabha kRShNammA

taTukAna nIvappuDu naTanAlAsarasAna
yiTunaTu kAgiliMca neTlA dA jokkerA
viTarAyaDavu SrIvEMkaTanAdha nIkUTami
ghaTiyiMca vEDuka mikkuTamAya kRShNammaa 

ANNAMAYYA LYRICS BOOK NO--10
SAMKIRTANA--84
RAGAM MENTIONED--LALITHA

ANNAMAYYA SAMKIRTANALU---SRUNGARAM

CKP

కానవచ్చీనందులోనే కడమదొడమలెల్లా
నీనేరుపులామీద నెరుపుమా చూతము


చేపట్టుకుంచమనంటా సిగ్గులీడబలికేవు
ఆపెతోడనీమాటే ఆడుమా నీవు
వోపుదునంటా నాకు వూడిగాలు చెప్పేవు
యేపున నాపెచేత చేయించుకొమ్మా చూతము


గోలదాననంటా నన్ను కొనగోర జెనకేవు
నాలినాపెతోడనిట్టె నవ్వుమా నీవు
మేలుగలదాననంటా మెట్టేవు నాపాదము
గేలినాపెపాదాన దాకించుమాచూతము


సేసుకొన్నదాననంటా చేరి నన్నుగూడితివి
ఆసల నాపె కాగిట నంటుమా నీవు
శ్రీసతినంటా నన్ను శ్రీవేంకటేశ ఏలితి
భూసతి ఆపెను నిట్టె పొందుమా చూతము

kaanavaccInaMdulOnE kaDamadoDamalellA

nInErupulAmIda nerupumA cUtamu

cEpaTTukuMcamanaMTA siggulIDabalikEvu

ApetODanImATE ADumA nIvu

vOpudunaMTA nAku vUDigAlu ceppEvu

yEpuna nApecEta cEyiMcukommA cUtamu

gOladAnanaMTA nannu konagOra jenakEvu

nAlinApetODaniTTe navvumA nIvu

mElugaladAnanaMTA meTTEvu nApaadamu

gElinApepAdAna dAkiMcumAcUtamu

sEsukonnadAnanaMTA cEri nannugUDitivi

Asala nApe kAgiTa naMTumA nIvu

SrIsatinaMTA nannu SrIvEMkaTESa Eliti

bhUsati Apenu niTTe poMdumA cUtamu


ANNAMAYYA LYRICS BOOK NO--19,
SAMKIRTANA NO--201
,RAGAM MENTIONED--PURVAGOULA

ANNAMAYYA SAMKIRTANAMULU--TATWAMULU

D.V.MOHANAKRISHNA


యిదియె నాకు మతము యిదివ్రతము
వుదుటల కర్మము వొల్లనింకను


నిపుణత హరి నే నిను శరణనుటె
తపములు జపములు ధర్మములు
నెపమున సకలము నీవే చేకొను
వుపమల పుణ్యము వొల్ల నేయింకను


హరి నీదాసుడననుకొనుటే నా-
పరమును ఇహమును భాగ్యమును
ధర నీమాయల తప్పుదెరువులను
వొరగి సుకృతము వొల్లనేయింకను


నారాయణ నీనామము దలచుట
సారపు చదువులు శాస్త్రములు
యీరీతి శ్రీవేంకటేశ నిను గొలిచితి 
వూరక యితరమువొల్లనే యింకను

yidiye nAku matamu yidivratamu
vuduTala karmamu vollaniMkanu


nipuNata hari nE ninu SaraNanuTe
tapamulu japamulu dharmamulu
nepamuna sakalamu nIvE cEkonu
vupamala puNyamu volla nEyiMkanu


hari nIdAsuDananukonuTE nA-
paramunu ihamunu bhaagyamunu
dhara nImAyala tappuderuvulanu
voragi sukRtamu vollanEyiMkanu


nArAyaNa nInAmamu dalacuTa
sArapu caduvulu SAstramulu
yIrIti SrIvEMkaTESa ninu goliciti 
vUraka yitaramuvollanE yiMkanu
ANNAMAYYA LYRICS BOOK NO--15
SAMKIRTANA NO--166
RAGAM MENTIONED--SAMKARABHARANAM

ANNAMAYYA SAMKIRTANALU--HANUMAN

BKP


అదెచూడరయ్యా పెద్దహనుమంతుని
గుదిగొని దేవతలు గొనియాడేరయ్యా


వుదయాస్తశైలములు వొకజంకగా జాచె
అదివోధ్రువమండలమందె శిరసు
చదివె సూర్యునివెంట సారె మొగము ద్రిప్పుచు
యెదుట నీతనిమహిమేమని చెప్పేమయ్యా


దండిగా బ్రహ్మాందముదాక దోకమీదికెత్తె
మెండగుదిక్కులు నిండ మేనువెంచెను
గుండుగూడ రాకాసుల గొట్టగ జేతులుచాచి
అండనీతని ప్రతాపమేమరుదరుదయ్యా


దిక్కులుపిక్కటిల్లగ దేహరోమములు వెంచె
పక్కన లోకములకు ప్రాణమినిల్చె
యిక్కడ శ్రీవేంకటేశు హితవరిబంటాయ
మిక్కిలినీతనిలావు మేలుమేలయ్యా



adecUDarayyaa peddahanumaMtuni
gudigoni dEvatalu goniyADErayyA


vudayaastaSailamulu vokajaMkagA jAce
adivOdhruvamaMDalamaMde Sirasu
cadive sUryuniveMTa sAre mogamu drippucu
yeduTa nItanimahimEmani ceppEmayyaa


daMDigA brahmAMdamudAka dOkamIdikette
meMDagudikkulu niMDa mEnuveMcenu
guMDugUDa rAkaasula goTTaga jEtulucAci
aMDanItani pratApamEmarudarudayyaa


dikkulupikkaTillaga dEharOmamulu veMce
pakkana lOkamulaku prANaminilce
yikkaDa SrIvEMkaTESu hitavaribaMTAya
mikkilinItanilAvu mElumElayyA


ANNAMAYYA LYRICS BOOK NO--4
SAMKIRTANA--509
RAGAM MENTIONED--BOULI

ANNAMAYYA SAMKIRTANALU--HANUMAN

BKP

ఒక్కడే ఏకాంగ వీరుడుర్వికి దైవమౌనా
యెక్కడా హనుమంతుని కెదురా లోకము

ముందట నేలెడి పట్టమునకు బ్రహ్మయినాడు
అందరు దైత్యులచంపి హరిపేరైనాడు
అంది రుద్రవీర్యము తానై హరుడైనాడు
యెందునా హనుమంతుని కెదురా లోకము

చుక్కలు మోవ పెరిగి సూర్యుడు తానైనాడు
చిక్కు పాతాళము దూరి శేషుడైనాడు
గక్కన వాయుజుడై జగత్ప్రాణుడైనాడు
ఎక్కువ హనుమంతుని కెదురా లోకము

జలధి పుటమెగసి చంద్రుడు తానైనాడు
చెలగి మేరుపుపొంత సింహమైనాడు
బలిమి శ్రీవేంకటేశు బంటై మంగాంబుధి
ఇల ఈ హనుమంతుని కెదురా లోకము

okkaDE EkAMga viiruDurviki daivamaunaa
yekkaDA hanumaMtuni keduraa lOkamu

muMdaTa nEleDi paTTamunaku brahmayinaaDu
aMdaru daityulachaMpi haripErainaaDu
aMdi rudraviiryamu taanai haruDainaaDu
yeMdunaa hanumaMtuni keduraa lOkamu

chukkalu mOva perigi suuryuDu taanainaaDu
chikku paataaLamu duuri SEshuDainaaDu
gakkana vaayujuDai jagatpraaNuDainaaDu
ekkuva hanumaMtuni keduraa lOkamu

jaladhi puTamegasi chaMdruDu taanainaaDu
celagi mErupupoMta siMhamainaaDu
balimi SriivEMkaTESu baMTai maMgaaMbudhi
ila ii hanumaMtuni keduraa lOkamu

ANNAMAYYA LYRICS BOOK NO--4

SAMKIRTANA NO--462

RAGAM MENTIONED--PADI

HANUMAN JAYANTI SUBHAKANKSHALU

B V S RAMAKUMARI

ANNAMAYYA SAMKIRTANALU--SRUNGARAM

SRIVANI
ఏమినవ్వేవే నాతోనింకా నీవు
వాములాయ వలపులు వట్టిజోలేలే


సరసములాడగానే జామువోయనిదివో
తెరమరగుననే తెల్లవారెను
యెరవులేక విభుడు యేమీ అనజాలడు
వరవాత నికనైనా వచ్చేవో రావో


ముంగురులు దిద్దగానే మొనలెక్కె  కొనగోరు
సింగారించుకోగానే సిగ్గుముంచెను
సంగతెరిగినపతి చలములు సాధించడు
యింగితమెరిగి మోవి యిచ్చేవో యీయవో


చేతులుపైజాచగానె సెలవుల నవ్వు ముంచె
గాతలకాగిలించగానె కాకదీరెను
యీతలశ్రీవేంకటేశుడు యిచ్చనెరిగి నినుగూడె
యేతుల యీవుపకారం యెంచేవీ యెంచవో



EminavvEvE nAtOniMkA nIvu
vAmulAya valapulu vaTTijOlElE


sarasamulADagAnE jAmuvOyanidivO
teramaragunanE tellavArenu
yeravulEka vibhuDu yEmI anajAlaDu
varavAta nikanainA vaccEvO rAvO


mumgurulu diddagAnE monalekke  konagOru
simgArimcukOgAnE siggumumcenu
samgateriginapati calamulu saadhiMcaDu
yimgitamerigi mOvi yiccEvO yIyavO


cEtulupaijAcagAne selavula navvu mumce
gAtalakAgilimcagAne kAkadIrenu
yItalaSrIvEMkaTESuDu yiccanerigi ninugUDe
yEtula yIvupakaaram yemcEvI yemcavO


ANNAMAYYA LYRICS BOOK NO--27
SAMKIRTANA NO--161
RAGAM MENTIONED--SOURASTRAM

ANNAMAYYA SAMKIRTANALU--TATWAMULU

VANIJAYRAM

 కలలోని సుఖమే కలియుగమా-వెన్న -

 కలిలో నెక్కడిదె కలియుగమా

 కడిగడి గండమై కాలము గడిపేవు 

కడుగ గడుగ రొంపి కలియుగమా 
బడలికె వాపవు పరమేదొ చూపవు 

గడిచీటియును నీవు కలియుగమా 

కరపేవు కరతలే మరపేవు మమతలే 

కరకర విడువవు కలియుగమా
తెరచీర మరగింతే తెరువేల మూసేవు 

గరుసేల దాటేవో కలియుగమా 

కానిదె మెచ్చేవు కపటాలే యిచ్చేవు

కానీలే కానీలే కలియుగమా 
పైనిదే వేంకటపతి దాసులుండగ 

కానవా నీవిదేమి కలియుగమా 

 kalalOni suKamE kaliyugamA venna- 

 kalilO nekkaDide kaliyugamA 

kaDigaDi gaMDamai kAlamu gaDipEvu

kaDuga gaDuga roMpi kaliyugamA 
baDalike vApavu paramEdo cUpavu 

gaDicITiyunu nIvu kaliyugamA

karapEvu karatalE marapEvu mamatalE

karakara viDuvavu kaliyugamA
teracIra maragiMtE teruvEla mUsEvu 

garusEla dATEvO kaliyugamA 

kAnide meccEvu kapaTAlE yiccEvu 

kAnIlE kAnIlE kaliyugamA
painidE vEMkaTapati dAsuluMDaga 

kAnavA nIvidEmi kaliyugamA 

ANNAMAYYA LYRICS BOOK NO--1

SAMKIRTANALU--118

RAGAM MENTIONED--SAMANTAM

ANNAMAYYA SAMKIRTANALU--TATWAMULU

N.C.SATYANARAYANA& B.M.VASANTA

శరణంటే నీవు దిక్కు సర్వేశ్వరా
నిరతి మాయవావికిని నిజమేది


యిన్నిటా బుట్టినదేహికి యింకా సులశీలమేది
చన్నుబాలకానికి యాచారమేది
పన్నిన సంసారికి పరమాత్ముచింతయేది
వున్నతి జంతరపుబొమ్మకు ఉద్యోగమేది


పంచేద్రియబుధ్ధికి పట్టి స్వతంత్ర్యమేది
చంచలచిత్తునికి విజ్ఞానమేది
యెంచబూతావాసునికింక జేసేధర్మమేది
నించి మలమూత్రకాయునికి భోగమేది


కామాతురునకును కర్మానుష్ఠానమేది
వాముల నిత్యలోభికి వైరాగ్యమేది
శ్రీమంతుడైనయట్టి శ్రీవేంకటేశ్వర నీవే
కామించి కాచితి గాక గతియేది

SaraNaMTE nIvu dikku sarwESwarA
nirati mAyavAvikini nijamEdi


yinniTA buTTinadEhiki yiMkA sulaSIlamEdi
cannubAlakAniki yAcAramEdi
pannina saMsAriki paramAtmuciMtayEdi
vunnati jaMtarapubommaku udyOgamEdi


pamcEdriyabudhdhiki paTTi swatamtryamEdi
camcalacittuniki vijnAnamEdi
yeMcabUtAvAsunikimka jEsEdharmamEdi
niMci malamUtrakAyuniki bhOgamEdi


kAmAturunakunu karmAnuShThAnamEdi
vAmula nityalObhiki vairAgyamEdi
SrImamtuDainayaTTi SrIvEMkaTESwara nIvE
kAmiMci kAciti gAka gatiyEdi




ANNAMAYYA LYRICS BOOK NO--15
SAMKIRTANANA--205
RAGAM MENTIONED--BHUPALAM