ANNAMAYYA SAMKIRTANALU--SRUNGARAM

SRIVANI
ఏమినవ్వేవే నాతోనింకా నీవు
వాములాయ వలపులు వట్టిజోలేలే


సరసములాడగానే జామువోయనిదివో
తెరమరగుననే తెల్లవారెను
యెరవులేక విభుడు యేమీ అనజాలడు
వరవాత నికనైనా వచ్చేవో రావో


ముంగురులు దిద్దగానే మొనలెక్కె  కొనగోరు
సింగారించుకోగానే సిగ్గుముంచెను
సంగతెరిగినపతి చలములు సాధించడు
యింగితమెరిగి మోవి యిచ్చేవో యీయవో


చేతులుపైజాచగానె సెలవుల నవ్వు ముంచె
గాతలకాగిలించగానె కాకదీరెను
యీతలశ్రీవేంకటేశుడు యిచ్చనెరిగి నినుగూడె
యేతుల యీవుపకారం యెంచేవీ యెంచవో



EminavvEvE nAtOniMkA nIvu
vAmulAya valapulu vaTTijOlElE


sarasamulADagAnE jAmuvOyanidivO
teramaragunanE tellavArenu
yeravulEka vibhuDu yEmI anajAlaDu
varavAta nikanainA vaccEvO rAvO


mumgurulu diddagAnE monalekke  konagOru
simgArimcukOgAnE siggumumcenu
samgateriginapati calamulu saadhiMcaDu
yimgitamerigi mOvi yiccEvO yIyavO


cEtulupaijAcagAne selavula navvu mumce
gAtalakAgilimcagAne kAkadIrenu
yItalaSrIvEMkaTESuDu yiccanerigi ninugUDe
yEtula yIvupakaaram yemcEvI yemcavO


ANNAMAYYA LYRICS BOOK NO--27
SAMKIRTANA NO--161
RAGAM MENTIONED--SOURASTRAM

ANNAMAYYA SAMKIRTANALU--SRUNGARAM

SRIVANI

ఎంతవాడవయ్యా నీవు యెక్కడెక్కడ 
పొంత నీ జాణతనాలు పొగిడేము నేము

మాటలనే తేనెలూరి మంతనాన నోరు యూరి
యేటవెట్టే నీమహిమ లెక్కడెక్కడ
తేటలు నీచేతవిని దేహమెల్లాజెమరించె
మూటలుగా నవ్వితిమి మొక్కేము నీకు

చూపులనే వాడిరేగి సొలపుల నాసరేగీ
యేపున నీయెమ్మెలివి యెక్కడెక్కడ
తీపుల నీపాల జిక్కి తిద్దుపడె గుణమెల్ల
మోపుగా వలచితిమి మొక్కేము నీకు

కందువల తమిపుట్టె కాగిట బీరము వుట్టీ
యిందులోని నీనేరుపులెక్కడెక్కడ
పొందితి శ్రీవేంకటేశ భోగము రతులకెక్కె 
ముందర నింకొకమాటు మొక్కేము నీకు


emtavaaDavayyA nIvu yekkaDekkaDa 
pomta nI jANatanaalu pogiDEmu nEmu


maaTalanE tEnelUri mamtanaana nOru yUri
yETaveTTE nImahima lekkaDekkaDa
tETalu nIcEtavini dEhamellaajemarimce
mUTalugaa navvitimi mokkEmu nIku


cUpulanE vADirEgi solapula naasarEgI
yEpuna nIyemmelivi yekkaDekkaDa
tIpula nIpAla jikki tiddupaDe guNamella
mOpugaa valacitimi mokkEmu nIku


kamduvala tamipuTTe kaagiTa bIramu vuTTI
yimdulOni nInErupulekkaDekkaDa
pomditi SrIvEMkaTESa bhOgamu ratulakekke 
mumdara nimkokamaaTu mokkEmu nIku
ANNAMAYYA LYRICS BOOK--27
SAMKIRTANA--292
PAGE NO --197

ANNAMAYYA SAMKIRTANALU__KRISHNA

SRIVANI


వారిగో వీరిగో వాడల వాడల
కోరిక మీరగా గోపాలులు


జోరున కారీని చొక్కపు వుట్ల
పేరని పాలును పెరుగును
వారలు వట్టేవు వాకిటివుట్ల
కూరిమి కృష్ణుడు గోపాలులు


తొటతొట రాలీదొండ్లై వుట్ల
చిట్టిబెల్లాలు చిమ్మిరును
తటుకున బట్టీ దాపేరు పుక్కిళ్ళ
గుటుకలు మింగీ గోపాలులు


వానలు కురిసీ వరుస గుట్ల
తేనెలు పండ్లు తెంకాయలూ
ఆనేరు శ్రీవేంకటాధిపతిగూడి
కోనల గొందుల గోపాలులూ

vaarigO vIrigO vADala vADala

kOrika mIragaa gOpaalulu

jOruna kaarIni cokkapu vuTla

pErani paalunu perugunu

vaaralu vaTTEvu vaakiTivuTla

kUrimi kRShNuDu gOpaalulu

toTatoTa raalIdomDlai vuTla

ciTTibellaalu cimmirunu

taTukuna baTTI dApEru pukkiLLa

guTukalu mimgI gOpaalulu

vaanalu kurisI varusa guTla

tEnelu paMDlu temkaayalU

AnEru SrIvEMkaTAdhipatigUDi

kOnala gomdula gOpaalulU

ANNAMAYYA LYRICS.BOOK NO.27

SAMKIRTANA--388

RAGAM--SAMANTAM