ANNAMAYYA SAMKIRTANALU__RAMA

P.SUSEELA




రామా దయాపరసీమా అయోధ్యాపుర-|
ధామా మావంటివారి తప్పులు లోగొనవే||


అపరాధియైనట్టియాతని తమ్మునినే|
కృపజూపితివి నీవు కింకలుమాని|
తపియించి యమ్ముమొనదారకుజిక్కినవాని|
నెపానగాచి విడిచి నీవాదరించితివి||


సేయరాని ద్రోహము చేసినపక్షికి నీవు|
పాయక అప్పటినభయమిచ్చితి|
చాయసేసుకొనివుండి స్వామిద్రోహి జెప్పనట్టి-|
తోయపుటేటెని మంచితోవనే పెట్టితివి||


నేరములెంచవు నీవు నీదయేచూపుదుగాని|
బీరపుశరణాగతి బిరుదనీవు|
చేరి నేడు నిలుచుండి శ్రీవేంకటాద్రిమీద|
గోరినవరములెల్లా కొల్లలొసగితివి|| 

rAmA dayAparasImaa ayOdhyApura-|
dhAmA mAvaMTivAri tappulu lOgonavE||


aparAdhiyainaTTiyAtani tammuninE|
kRpajUpitivi nIvu kiMkalumAni|
tapiyiMci yammumonadArakujikkinavAni|
nepAnagAci viDici nIvAdariMcitivi||


sEyarAni drOhamu cEsinapakShiki nIvu|
pAyaka appaTinabhayamicciti|
cAyasEsukonivuMDi swAmidrOhi jeppanaTTi-|
tOyapuTETeni maMcitOvanE peTTitivi||


nEramuleMcavu nIvu nIdayEcUpudugAni|
bIrapuSaraNAgati birudanIvu|
cEri nEDu nilucuMDi SrIvEMkaTAdrimIda|
gOrinavaramulellA kollalosagitivi|| 



ANNAMAYYA LYRICS BOOK NO--30
SAMKIRTANA NO--94
RAGAM MENTIONED--BOULI

ANNAMAYYA SAMKIRTANALU--RAMA

DWARAM LAKSHMI
రామునికి శరణంటే రక్షించీ బ్రదుకరో
యేమిటికి విచారాలు యికదైత్యులాల

చలమున తాటకి జదిపినబాణము
లలిమారీచసుబాహులపై బాణము
మెలగీ పరశురాము మెట్లేసిన బాణము
తళతళమెరసీని తలరో యసురలు

మాయమృగముమీద మరివేసిన బాణము
చేయిచాచి వాలినేసిన బాణము
తోయధిమీదనటు తొడిగినబాణము
చాయలు దేరుచున్నది చనరోదైత్యేయులు

తగ కుంభకర్ణుని తలద్రుంచిన బాణము
జిగిరావణు పరిమార్చిన బాణము
మిగుల శ్రీవేంకటేశు మేటిపోదలోనున్నది
పగసాధించీనిక బారరో రాకాసులు

rAmuniki SaraNaMTE rakshimcI bradukarO
yEmiTiki vicArAlu yikadaityulAla


calamuna tATaki jadipinabANamu
lalimArIcasubAhulapai bANamu
melagI paraSurAmu meTlEsina bANamu
taLataLamerasIni talarO yasuralu


mAyamRgamumIda marivEsina bANamu
cEyicAci vAlinEsina bANamu
tOyadhimIdanaTu toDiginabANamu
cAyalu dErucunnadi canarOdaityEyulu


taga kumbhakarNuni taladruMcina bANamu
jigirAvaNu parimArcina bANamu
migula SrIvEMkaTESu mETipoadalOnunnadi
pagasAdhimcInika bArarO rAkAsulu
ANNAMAYYA LYRICS BOOK NO--4
SAMKIRTANA NO--283
RAGAM--SAMAMTAM

ANNAMAYYA SAMKIRTANALU--RAMA

BKP & BULLEMMA


రాముడు లోకాభిరాముడు త్రైలోక్య
ధాముడు రణరంగ భీముడు వాడే

వరుడు సీతకు, ఫలాధరుడు మహోగ్రపు-
శరుడు రాక్షస సంహరుడు వాడే
స్థిరుడు సర్వగుణాకరుడు కోదండ దీక్షా-
గురుడు సేవకశుభకరుడు వాడే

ధీరుడు లోకైకవీరుడు సకలా-
ధారుడు భవబంధదూరుడు వాడే
శూరుడు ధర్మవిచారుడు రఘువంశ-
సారుడు బ్రహ్మసాకారుడు వాడే

బలుడు యిన్నిటా రవికులుడు భావించ, ని-
ర్మలుడు నిశ్చలుడవికలుడు వాడే
వెలసి శ్రీ వేంకటాద్రి నిజనగరములోన
తలకొనె పుణ్యపాదతలుడు వాడే
Raamudu lokaabhiraamudu trailokya
Dhaamudu ranaramga bheemudu vaadae

Varudu seetaku, phalaadharudu mahograpu
Sarudu raakshasa samharudu vaadae
Sthirudu sarvagunaakarudu kodamda deekshaa
Gurudu saevakasubhakarudu vaadae

Dheerudu lokaikaveerudu sakalaa
Dhaarudu bhavabamdhadoorudu vaadae
Soorudu dharmavichaarudu raghuvamsa
Saarudu brahmasaakaarudu vaadae

Baludu yinnitaa ravikuludu bhaavimcha, ni
Rmaludu nischaludavikaludu vaadae
Velasi Sree vaemkataadri nijanagaramulona
Talakone punyapaadataludu vaadae

ANNAMAYYA SAMKIRTANALU--TATWAMULU

P.S.RANGANATH
ప|| రూకలై మాడలై రువ్వలై తిరిగీని | దాకొని వున్నచోట దానుండ దదివో ||

చ|| వొకరి రాజుజేసు నొకరి బంటుగ జేసు | వొకరి కన్నెకల వేరొకరికి నమ్మించు |
వొకచోటనున్నధాన్య మొకచోట వేయించు | ప్రకటించి కనకమే భ్రమయించీ జగము ||

చ|| కొందరిజాళెలు నిండు కొందరికి సొమ్ములవు | కొందరి పుణ్యులజేసు గొందరి పాపులజేసు |
కొందరికొందరిలోన కొట్లాట వెట్టించు | పందెమాడినటువలె బచరించు పసిడీ ||

చ|| నిగనిగమనుచుండు నిక్షేపమై యుండు | తగిలి శ్రీవేంకటేశుతరుణియై తా నుండు |
తెగనిమాయై యుండు దిక్కు దెసయై యుండు | నగుతా మాపాల నుండి నటియించు బసిడీ ||
pa|| rUkalai mADalai ruvvalai tirigIni | dAkoni vunnacOTa dAnuMDa dadivO ||

ca|| vokari rAjujEsu nokari baMTuga jEsu | vokari kannekala vErokariki nammiMcu |
vokacOTanunnadhAnya mokacOTa vEyiMcu | prakaTiMci kanakamE BramayiMcI jagamu ||

ca|| koMdarijALelu niMDu koMdariki sommulavu | koMdari puNyulajEsu goMdari pApulajEsu |
koMdarikoMdarilOna koTlATa veTTiMcu | paMdemADinaTuvale bacariMcu pasiDI ||

ca|| niganigamanucuMDu nikShEpamai yuMDu | tagili SrIvEMkaTESutaruNiyai tA nuMDu |
teganimAyai yuMDu dikku desayai yuMDu | nagutA mApAla nuMDi naTiyiMcu basiDI ||

ANNAMAYYA SAMIRTANALU--RAMA

SHOBHARAJ

రామా రామభద్ర రవివంశ రాఘవ
యేమి యరుదిది నీకింతటివానికి


నాడు రావణు తలలు నరకినలావరివి
నేడు నాపాపములు ఖండించరాదా
వాడిప్రతాపముతోడ వారిధిగట్టిన నాటి-
వాడవిట్టె నామనోవార్ధిగట్టరాదా


తనిసి కుంభకర్ణాదిదైత్యుల గెలిచితివి
కినిసి నాయింద్రియాల గెలువరాదా
యెనసి హరుని విల్లు యెక్కుపెట్టి వంచి
ఘనము నాదుర్గుణము కడువంచరాదా


సరుస విభీషణుడు శరణంటే గాచితివి
గరిమనేశరణంటి గావరాదా
తొరలి శ్రీవేంకటేశ దొడ్డుగొంచమెంచనేల
యిరవై లోకహితానకేదైనానేమి

rAmA rAmabhadra ravivaMSa rAghava

yEmi yarudidi nIkiMtaTivAniki

nADu rAvaNu talalu narakinalAvarivi

nEDu nApApamulu khaMDimcarAdA

vADipratApamutODa vAridhigaTTina nATi-

vADaviTTe nAmanOvArdhigaTTarAdA

tanisi kuMbhakarNAdidaityula gelicitivi

kinisi nAyimdriyAla geluvarAdA

yenasi haruni villu yekkupeTTi vamci

ghanamu nAdurguNamu kaDuvaMcarAdA

sarusa vibhIShaNuDu SaraNamTE gAcitivi

garimanESaraNamTi gAvarAdA

torali SrIvEMkaTESa doDDugomcamemcanEla

yiravai lOkahitAnakEdainAnEmi

ANNAMAYYA LYRICS BOOK NO--2

SAMKIRTANA NO--437

RAGAM MENTIONED--SALAMGANATA

ANNAMAYYA SAMKIRTANALU--SRUNGARAM

PADMAJA VISWAS
రమ్మనవె చెలియ రమణుని నీడకు
యిమ్మనవే చనవులు యెలయింపుడేటికి


కన్నుల జూచినదాక కడలేదు తమకము
సన్నల మొక్కినదాక చల్లీ కూరిమి
మన్ననలడుగుదాక మలసీకోరికలు
యెన్నిలేవు యెడమాటలింకానేటికే


సరసమాడినదాకా జడివట్టీ చెమటలు
వరుసకు వచ్చుదాకా వంచీ జలము
గరిమపైకొన్నదాకా కమ్మినడియాసలు
యిరవై నడుమ దెర యికనేటీకే


కదిసి కూడినదాకా కడుజన్నులదిరీని
పెదవి యానినదాకా నిదేనోరూరీ
అదనశ్రీవేంకటేశుడు యంతలోనే నన్నుగూడె
యెదుటనే వొడబాటులింకానేటికే

rammanave celiya ramaNuni nIDaku
yimmanavE canavulu yelayimpuDETiki


kannula jUcinadaaka kaDalEdu tamakamu
sannala mokkinadaaka callI kUrimi
mannanalaDugudaaka malasIkOrikalu
yennilEvu yeDamaaTalimkAnETikE


sarasamaaDinadaakaa jaDivaTTI cemaTalu
varusaku vaccudAkA vamcI jalamu
garimapaikonnadaakaa kamminaDiyaasalu
yiravai naDuma dera yikanETIkE


kadisi kUDinadaakaa kaDujannuladirIni
pedavi yaaninadaakaa nidEnOrUrI
adanaSrIvEMkaTESuDu yamtalOnE nannugUDe
yeduTanE voDabATulimkAnETikE
ANNAMAYYA LYRICS BOOK NO--19
SAMKIRTANA--81
RAGAM MENTIONED--DESAKSHI

ANNAMAYYA SAMKIRTANALU--RAMA

PARUPALLI BROS

రామభద్ర రఘువీర రవివంశతిలక నీ-
నామమే కామధేనువు నమో నమో 

కౌసల్యానందవర్ధన ఘన దశరథసుత 
భాసురయజ్ఞరక్షక భరతాగ్రజ 
రాసికెక్కు కోదండరచన విద్యాగురువ 
వాసితో సురలు నిను పడి మెచ్చేరయ్యా 

మారీచసుబాహు మర్దన తాటకాంతక 
దారుణ వీరశేఖర ధర్మపాలక 
కారుణ్యరత్నాకర కాకాసురవరద
సారెకు వేదములు జయవెట్టేరయ్యా 

సీతారమణ రాజశేఖరశిరోమణి 
భూతలపుటయోధ్యా పురనిలయా 
యీతల శ్రీవేంకటాద్రి నిరవయినరాఘవ 
ఘాత నీప్రతాపమెల్లా గడు నిండెనయ్యా 


rAmaBadra raGuvIra ravivaMSatilaka nI- 
nAmamE kAmadhEnuvu namO namO 

kausalyAnaMdavardhana Gana daSarathasuta 
BAsurayaj~jarakShaka BaratAgraja 
rAsikekku kOdaMDaracana vidyAguruva 
vAsitO suralu ninu paDi meccErayyA 

mArIcasubAhu mardana tATakAMtaka 
dAruNa vIraSEKara dharmapAlaka 
kAruNyaratnAkara kAkAsuravarada 
sAreku vEdamulu jayaveTTErayyA 

sItAramaNa rAjaSEKaraSirOmaNi 
BUtalapuTayOdhyA puranilayA 
yItala SrIvEMkaTAdri niravayinarAGava 
GAta nIpratApamellA gaDu niMDenayyA 

ANNAMAYYA SAMKIRTANALU__RAMA

D.V.MOHANAKRISHNA

రాముడు రాఘవుడు రవికులుడితడు
భూమిజకు పతియైన పురుష నిధానము


అరయ పుత్రకామేష్టి యందు పరమాన్నమున
పరగ జనించిన పర బ్రహ్మము
సురల రక్షింపగ అసురుల శిక్షింపగ
తిరమై ఉదయించిన దివ్య తేజము




వేద వేదాంతములయందు విజ్ఞానశాస్త్రములందు
పాదుకొన పలికేటి పరమార్ధము
ప్రోదితొ శ్రీ వేంకటాద్రి పొంచి విజయనగరాన
ఆదికి అనాదియైన అర్చావతారము


BKP&S.P.SAILAJA



raamuDu raaghavuDu ravikuluDitaDu
bhUmijaku patiyaina purusha nidhaanamu


araya putrakAmEshTi yandu paramaannamuna
paraga janinchina para brahmamu
surala rakshimpaga asurula Sikshimpaga
tiramai udayinchina divya tEjamu




vEda vEdaamtamulayandu vij~naanaSaastramulandu
paadukona palikETi paramaardhamu
prOdito SrI vEnkaTaadri ponchi vijayanagaraana
aadiki anaadiyaina archaavataaramu

ANNAMAYYA SAMKIRTANALU__SRUNGARAM

raccakekkitivi

రచ్చ కెక్కితివి పండరంగి విఠలా
పచ్చిదేరే వింతలోనే పండరంగివిఠలా

గుట్టుగల దొరవని కొసరి చూచినంతనె
రట్టుగా నవ్వేవు పండరంగి విఠలా
మట్టుమీరి తమకపు మాటలనె నీవలపు
బట్టబయలె సేసేవు పండరంగి విఠలా

సాగినసబలలోన సన్న సేసినంతలోనే
రాగిదేలించేవు పండరంగి విఠలా
వేగిరపు చేతలనె విరిని(?) నీ మోహమెల్ల
బాగుగా వెళ్ళ వేసేవు పండరంగి విఠలా

సతినీవున్నచోటికి దగ్గర వచ్చినంతనె
రతి( గూడితివి పండరంగి విఠలా
గతియైన శ్రీవేంకటనాథ యేలితివి
పతివై కోవిలకుంట్ల పండరంగి విఠలా
rachcha kekkitivi paMDaraMgi viThalA
pachchidErE viMtalOnE paMDaraMgiviThalA

guTTugala doravani kosari chUchinaMtane
raTTugA navvEvu paMDaraMgi viThalA
maTTumIri tamakapu mATalane nIvalapu
baTTabayale sEsEvu paMDaraMgi viThalA

sAginasabalalOna sanna sEsinaMtalOnE
rAgidEliMchEvu paMDaraMgi viThalA
vEgirapu chEtalane virini(?) nI mOhamella
bAgugA veLLa vEsEvu paMDaraMgi viThalA

tatinIvunnachOTiki daggara vachchinaMtane
rati( gUDitivi paMDaraMgi viThalA a
gatiyaina SrIvEMkaTanAtha yElitivi
pativai kOvilakuMTla paMDaraMgi viThalA

ANNAMAYYA SAMKIRTANALU__RAMA

DWARAM LAKSHMI

రామ రామచంద్ర రాఘవా రాజీవలోచనరాఘవా|
సౌమిత్రిభరత శతృఘ్నులతోడ జయమందు దశరథరాఘవా|| 


శిరసుకూకటులరాఘవా చిన్నారిపొన్నారిరాఘవా|
గరిమ నావయసున తాటకి జంపినకౌసల్యనందనరాఘవా|
అరిదియజ్ఞముగాచురాఘవా అట్టె హరునివిల్లువిరిచినరాఘవా|
సిరులతో జనకునియింట జానకి జెలగి పెండ్లాడినరాఘవా|| 


మలయునయోధ్యారాఘవా మాయామృగాంతకరాఘవా|
చెలగిచుప్పనాతి గర్వ మడచి దైత్యసేనలజంపిన రాఘవా|
సొలసి వాలిజంపి రాఘవా దండిసుగ్రీవునేలినరాఘవా|
జలధిబంధించినరాఘవా లంకసంహరించినరాఘవా||


దేవతలుచూడరాఘవా నీవు దేవేంద్రురథమెక్కిరాఘవా|
రావణాదులను జంపి విభీషణురాజ్యమేలించినరాఘవా|
వేవేగ మరలిరాఘవా వచ్చి విజయపట్టమేలిరాఘవా|
శ్రీవేంకటగిరిమీద నభయము చేరి మాకిచ్చినరాఘవా||

rAma rAmachaMdra rAghavA rAjIvalOcanarAghavA|
saumitribharata SatRghnulatODa jayamaMdu daSaratharAghavA|| 


SirasukUkaTularAghavA chinnAriponnArirAghavA|
garima nAvayasuna tATaki jaMpinakausalyanaMdanarAghavA|
aridiyaj~namugAchurAghavA aTTe harunivilluvirichinarAghavA|
sirulatO janakuniyiMTa jAnaki jelagi peMDlADinarAghavA|| 


malayunayOdhyArAghavA mAyAmRgAMtakarAghavA|
chelagichuppanAti garwa maDachi daityasEnalajaMpina rAghaVA|
solasi vAlijaMpi rAghavA daMDisugrIvunElinarAghavA|
jaladhibaMdhiMchinarAghavA laMkasaMhariMchinarAghavA||


dEvataluchUDarAghavA nIvu dEvEMdrurathamekkirAghavA|
rAvaNAdulanu jaMpi vibhIshaNurAjyamEliMchinarAghavA|
vEvEga maralirAghavA vachchi vijayapaTTamElirAghavA|
SrIvEMkaTagirimIda nabhayamu chEri mAkichchinarAghavA||

ANNAMAYYA SAMKIRTANALU__RAMA

K.J.YESUDAS


రాజీవ నేత్రాయ రాఘవాయ నమో
సౌజన్య నిలయాయ జానకీశాయ 


దశరథ తనూజాయ తాటక దమనాయ
కుశిక సంభవ యజ్ఞ గోపనాయ
పశుపతి మహా ధనుర్భంజనాయ నమో
విశద భార్గవరామ విజయ కరుణాయ


 భరిత ధర్మాయ శుర్పణఖాంగ హరణాయ
ఖరదూషణాయ రిపు ఖండనాయ
తరణి సంభవ సైన్య రక్షకాయనమో
నిరుపమ మహా వారినిధి బంధనాయ 


హత రావణాయ సంయమి నాథ వరదాయ
అతులిత అయోధ్యా పురాధిపాయ
హితకర శ్రీ వేంకటేశ్వరాయ నమో
వితత వావిలిపాటి వీర రామాయ 


PASUPATHI(?)


rAjIva nEtrAya rAGavAya namO 
saujanya nilayAya jAnakISAya

daSaratha tanUjAya tATaka damanAya
kuSika saMBava yaj~ja gOpanAya
paSupati mahA dhanurBaMjanAya namO
viSada BArgavarAma vijaya karuNAya

Barita dharmAya SurpaNaKAMga haraNAya
KaradUShaNAya ripu KaMDanAya
taraNi saMBava sainya rakShakAyanamO
nirupama mahA vArinidhi baMdhanAya

hata rAvaNAya saMyami nAtha varadAya
atulita ayOdhyA purAdhipAya
hitakara SrI vEMkaTESvarAya namO
vitata vAvilipATi vIra rAmAya 

ANNAMAYYA SAMKIRTANALU__RAMA

SPB


రామ రామ రామకృష్ణ రాజీవలోచన నీకు
దీము వంటి బంటననే తేజమే నాది

వారధి దాటి మెప్పించ వాయుజుడనే గాను
సారె చవుల మెప్పించ శబరిగాను
బీరాన సీత నిచ్చి మెప్పించ జనకుండగాను
ఏరీతి మెప్పింతు నన్నెట్లా గాచేవో

ఘనమై మోచి మెప్పించ గరుడుడనే గాను
కొన కామసుఖమిచ్చు గోపిక గాను
వినుతించి మెప్పించ వేయినోళ్ళ భొగిగాను
నిన్నెట్లు మెప్పింతు నన్ను గాచే దెట్లా

నవ్వుచు పాడి మెప్పించ నారదుడనే గాను
అవ్వల ప్రాణమీయ జటాయువు గాను
ఇవ్వల శ్రీ వేంకటేశ యిటునీకె శరణంటి
అవ్వల నా తెరువిదే రక్షించే దెట్లా


NEDUNURI


Raama raama raamakrshna raajeevalochana neeku
Deemu vamti bamtananae taejamae naadi

Vaaradhi daati meppimcha vaayujudanae gaanu
Saare chavula meppimcha Sabarigaanu
Beeraana seeta nichchi meppimcha janakumdagaanu
Aereeti meppimtu nannetlaa gaachaevo

Ghanamai mochi meppimcha garududanae gaanu
Kona kaamasukhamichchu gopika gaanu
Vinutimchi meppimcha vaeyinolla bhogigaanu
Ninnetlu meppimtu nannu gaachae detlaa

Navvuchu paadi meppimcha naaradudanae gaanu
Avvala praanameeya jataayuvu gaanu
Ivvala Sree vaemkataesa yituneeke saranamti
Avvala naa teruvidae rakshimchae detlaa

ANNAMAYYA SAMKIRTANALU__RAMA

N.C.SRIDEVI

రాముడీతడు లోకాభిరాముడీతడు
కామించిన విభీషణు గాచినవాడీతడు

శ్రీదైవారినయట్టి సీతారాముడీతడు
కోదండ దీక్షా గురుడీతడు
మోదమున నబ్ధి యమ్ముమొనకు తెచ్చె నీతడు
పాదుకొని సుగ్రీవు పగ దీర్చె నీతడు

ఘోర రావణుని తలగుండు గండడీతడు
వీరాఢి వీరుడైన విష్ణుడీతడు
చేరి యయోధ్యాపతియై చెల్గినవాడీతడు
ఆరూఢి మునుల కభయమ్ము లిచ్చె నీతడు

తగ నందరి పాలిటి తారకబ్రహ్మమీతడు
నిగమములు నుతించే నిత్యుడీతడు
జగములో శ్రీవేంకటేశ్వరుడైనవాడీతడు
పగటున లోకమెల్లా పాలించె నీతడు

rAmuDItaDu lOkAbhirAmuDItaDu
kAmiMchina vibhIshaNu( gAchinavADItaDu

SrIdaivArinayaTTi sItArAmuDItaDu
kOdaMDa dIkshA guruDItaDu
mOdamuna nabdhi yammumonaku techche nItaDu
pAdukoni sugrIvu paga dIrche nItaDu

ghOra rAvaNuni talaguMDu gaMDaDItaDu
vIrADhi vIruDaina vishNuDItaDu
chEri yayOdhyApatiyai chelginavADItaDu
ArUDhi munula kabhayammu lichche nItaDu

taga naMdari pAliTi tArakabrahmamItaDu
nigamamulu nutiMchE nityuDItaDu
jagamulO SrIvEMkaTESwaruDainavADItaDu
pagaTuna lOkamellA pAliMche nItaDu

ANNAMAYYA SAMKIRTANALU__RAMA

BKP


రామ దశరథరామ నిజ సత్య-
కామ నమో నమో కాకుత్థ్సరామ

కరుణానిధి రామ కౌసల్యానందన రామ
పరమ పురుష సీతాపతిరామ
శరధి బంధన రామ సవన రక్షక రామ
గురుతర రవివంశ కోదండ రామ

దనుజహరణ రామ దశరథసుత రామ
వినుతామర స్తోత్ర విజయరామ
మనుజావతారా రామ మహనీయ గుణరామ
అనిలజప్రియ రామ అయోధ్యరామ

సులలితయశ రామ సుగ్రీవ వరద రామ
కలుష రావణ భయంకర రామ
విలసిత రఘురామ వేదగోచర రామ
కలిత ప్రతాప శ్రీవేంకటగిరి రామ 


rAma daSaratharAma nija satya-
kAma namO namO kAkutthsarAma

karuNAnidhi rAma kausalyAnaMdana rAma
parama purusha sItApatirAma
Saradhi baMdhana rAma savana rakshaka rAma
gurutara ravivaMSa kOdaMDa rAma

danujaharaNa rAma daSarathasuta rAma
vinutAmara stOtra vijayarAma
manujAvatArA rAma mahanIya guNarAma
anilajapriya rAma ayOdhyarAma

sulalitayaSa rAma sugrIva varada rAma
kalusha rAvaNa bhayaMkara rAma
vilasita raghurAma vEdagOcara rAma
kalita pratApa SrIvEMkaTagiri rAma