ANNAMAYYA SAMKIRTANALU--TATWAMULU

CKP
చింతలురేచకు మమ్ము చిత్తమా నీవు
పంతముతో మముగూడి బతుకుమీ నీవు

తల్లి శ్రీమహాలక్ష్మి తండ్రి వాసుదేవుడు
యిల్లు మాకు బ్రహ్మాండమింతా నిదె
బల్లిదపుహరిభక్తి పాడీ బంటా నాకు
వొల్లము కర్మఫలములొకటినేము

జ్ఞానమేమాకు ధనము సర్వవేదములు సొమ్ము
వూనిన వైరాగ్యమే వుంబళి మాకు
ఆనిన గురుసేవలు ఆడుబిడ్డలు నాకు
మేనితోనే తగులాయ మేలు మాకుజేరెను

యేలికె శ్రీవేంకటేశుడింటిదేవపూజ మాకు
పాలుగలబంధువులు ప్రపన్నులు
కీలు మాకు నీతనిసంకీర్తన మోక్షమునకు
యేలా యింకా మాకు నేమిటితో గొడవ

cimtalurEcaku mammu cittamaa nIvu

paMtamutO mamugUDi batukumI nIvu

talli SrImahAlakShmi taMDri vAsudEvuDu

yillu mAku brahmAMDamiMtA nide

ballidapuharibhakti pADI baMTA nAku

vollamu karmaphalamulokaTinEmu

j~nAnamEmaaku dhanamu sarvavEdamulu sommu

vUnina vairAgyamE vuMbaLi mAku

Anina gurusEvalu ADubiDDalu nAku

mEnitOnE tagulAya mElu mAkujErenu

yElike SrIvEmkaTESuDiMTidEvapUja mAku

pAlugalabaMdhuvulu prapannulu

kIlu mAku nItanisaMkIrtana mOkShamunaku

yElA yiMkA mAku nEmiTitO goDava

ANNAMAYYA LYRICS BOOK NO--3

SAMKIRTANA NO--63

RAGAM MENTIONED--GOULA

ANNAMAYYA SAMKIRTANALU---TATWAMULU

SMITHA MADHAV
వెదకవో చిత్తమా వివేకించి నీవు
అదనతదీయసేవ అంతకంటే మేలు

చూపులెన్నైనా గలవు సూర్యమండలముదాకా
చూపులు శ్రీహరిరూపు చూడదొరకదుగాని
తీపులెన్నైనాగలవు తినదిన నాలికెకు
తీపు శ్రీహరిప్రసాదతీర్థమని కోరదు

మాటలెన్నైనాగలవు మరిగితే లోకమందు
మాటలు శ్రీహరినామము మరపగ వలె
తేటలెన్నైనా గలవు తీరనిచదువులందు
తేటగా రామనుజులు తేరిచె వేదములలో

చేతలెన్నైనా గలవు సేసేమంటే భూమి
చేతల శ్రీవేంకటేశు సేవసేయవలెను
వ్రాతలెన్నైనా గలవు వనజభవుని ముద్ర-
వ్రాతలు చక్రాంకితాలె వహికెక్కే ముద్రలు

vedakavO cittamA vivEkiMci nIvu

adanatadIyasEva amtakamTE mElu

cUpulennainA galavu sUryamaMDalamudAkA

cUpulu SrIharirUpu cUDadorakadugAni

tIpulennainAgalavu tinadina naalikeku

tIpu SrIhariprasaadatIrthamani kOradu

mATalennainAgalavu marigitE lOkamMdu

mATalu SrIharinAmamu marapaga vale

tETalennainA galavu tIranicaduvulaMdu

tETagA rAmanujulu tErice vEdamulalO

cEtalennainA galavu sEsEmaMTE bhUmi

cEtala SrIvEMkaTESu sEvasEyavalenu

vrAtalennainA galavu vanajabhavuni mudra-

vrAtalu cakrAMkitAle vahikekkE mudralu

ANNAMAYYA LYRICS BOOK NO--3

SAMKIRTANA NO--415

RAGAM MENTIONED--DESALAM

ANNAMAYYA SAMKIRTANALU--KRISHNA

PRIYASISTERS


ఆదివిష్ణు వీతడే యటరమ్మ
ఆదిగొని భూభార మణచీనోయమ్మా

చందురునుదయవేళా సవరేతిరికాడ
కందువ దేవకి బిడ్డగనెనమ్మా
పొందుగ బ్రహ్మాదులు పురుటింటివాకిటను
చెంది బాలుని నుతులు సేసేరోయమ్మా

వసుదేవుని యెదుట వైకుంఠనాథుడు
సిసువై యవతరించీ చెలగీ నమ్మా
ముసిముసినవ్వులతో మునులకు ఋషులకు
యిసుమంతవాడభయమిచ్చీనమ్మా

కన్నతల్లిదండ్రులకు కర్మపాశము లూడిచి
అన్నిటా రాకాసిమూక లణచీనమ్మా
వున్నతి శ్రీవేంకటాద్రినుండి లక్ష్మీదేవితోడ
పన్ని నిచ్చకల్యాణాల(బరగీనమ్మా


AdivishNu vItaDE yaTaramma
Adigoni bhUbhAra maNachInOyammA

chaMdurunudayavELA savarEtirikADa
kaMduva dEvaki biDDaganenammA
poMduga brahmAdulu puruTiMTivAkiTanu
cheMdi bAluni nutulu sEsErOyammA

vasudEVuni yeduTa vaikuMThanAthuDu
sisuvai yavatariMchI chelagI nammA
musimusinavvulatO munulaku Rshulaku
yisumaMtavADabhayamichchInammA

kannatallidaMDrulaku karmapASamu lUDichi
anniTA rAkAsimUka laNachInammA
vunnati SrIvEMkaTAdrinuMDi lakshmIdEvitODa
panni nichchakalyANAla(baragInammA

ANNAMAYYA LYRICS BOOK NO--3
SAMKIRTANA--193
RAGAM MENTIONED--LALITHA

ANNAMAYYA SAMKIRTANALU--ADHYATMIKAM

G.MADHUSUDAN RAO

విశ్వాత్మ నీకంటె వేరేమియునుగాన
ఐశ్వర్యమెల్ల నీ యతివచందములే


కలవు మతములు పెక్కు కర్మభేదములగుచు
కలవెల్ల నీయందె కల్పితములే
కలరు దేవతలు బహుగతులమహిమల మెరయు
అలరి వారెల్ల నీయంగభేదములే


ఘనమంత్రములు పెక్కుగలవు వరములనొసగు
ననిచి యవియెల్ల నీనామంబులే
పెనగొన్నజంతువులు పెక్కులెన్నేగలవు
పనిగొన్న నీదాసపరికరములే


యెందును దగులువడకేకరూపని నిన్ను
కందువ గొలుచువాడే ఘనపుణ్యుడు
అందపుశ్రీవేంకటాద్రీశ అన్నిటా-
నందినపొందినవెల్లా హరి నీయనుమతే


viSvAtma nIkaMTe vErEmiyunugAna
aiSvaryamella nI yativacaMdamulE


kalavu matamulu pekku karmabhEdamulagucu
kalavella nIyaMde kalpitamulE
kalaru dEvatalu bahugatulamahimala merayu
alari vArella nIyaMgabhEdamulE


ghanamMtramulu pekkugalavu varamulanosagu
nanici yaviyella nInAmaMbulE
penagonnajaMtuvulu pekkulennEgalavu
panigonna nIdAsaparikaramulE


yeMdunu daguluvaDa kEkarUpani ninnu
kaMduva golucuvADE ghanapuNyuDu
aMdapuSrIvEMkaTAdrISa anniTA-
naMdinapoMdinavellA hari nIyanumatE


ANNAMAYYA LYRICS BOOK NO--3
SAMKIRTANA NO--544
RAGAM MENTIONED--LALITA