ANNAMAYYA SAMKIRTANALU--HANUMAN

G.N.NAIDU

కలశాపురముకాడ గంధపుమాకులనీడ
నలరేవు మేలు మేలు హనుమంతరాయ


సంజీవికొండదెచ్చి సౌమిత్రిబ్రతికించితి
భంజించితి వసురుల బలువిడిని
కంజాప్తకులరాఘవుని మెప్పించితివి
అంజనీతనయ వో హనుమంతరాయ


లంక సాధించితివి నీలావులెల్లాజూపితివి
కొంకక రాముని సీతగూర్చితివి
లంకెల సుగ్రీవునికి లలిప్రధానివైతివి
అంకెలెల్లా నీకుజెల్లె హనుమంతరాయ


దిక్కులు గెలిచితివి ధీరత పూజగొంటివి
మిక్కిలి ప్రతాపాన మెరసితివి
యిక్కువతో శ్రీవేంకటేశ్వరు బంటవైతివి
అక్కజపు మహిమల హనుమంతరాయ

kalaSApuramukaaDa gamdhapumaakulanIDa

nalarEvu mElu mElu hanumamtaraaya

samjIvikomDadecci soumitribratikimciti

bhamjimciti vasurula baluviDini

kamjAptakularaaghavuni meppimcitivi

amjanItanaya vO hanumamtaraaya

lamka saadhimcitivi nIlAvulellaajUpitivi

komkaka raamuni sItagUrcitivi

lamkela sugrIvuniki lalipradhaanivaitivi

amkelellaa nIkujelle hanumamtaraaya

dikkulu gelicitivi dhIrata pUjagomTivi

mikkili prataapaana merasitivi

yikkuvatO SrIvEmkaTESwaru bamTavaitivi

akkajapu mahimala hanumamtaraaya

ANNAMAYYA LYRICS BOOKNO--3

SAMKIRTANA NO--521

RAGAM MENTIONED--PADI