ANNAMAYYA SAMKIRTANALU_HANUMAN

BKP
అవధారు చిత్తగించు హనుమంతుడు వీడె
భువిలోన కలశాపుర హనుమంతుడు

రామ నీ సేవకుడిదె రణరంగధీరుడు
ఆముకొన్నసత్వగల హనుమంతుడు
దీమసాన లంక సాధించి ఉంగరము దెచ్చె
కామితఫలదుడు యీఘనహనుమంతుడూ

జానకీరమణ సప్తజలధులు లంఘించి
ఆనుక సంజీవి దెచ్చె హనుమంతుడు
పూని చుక్కలెల్లా మొలపూసలుగాగ పెరిగి
భానుకోటికంతితో జొప్పెడు హనుమంతుడు

యినవంశ శ్రీవేంకటేశ నీకరుణతోడ
అనుపమజయశాలి హనుమంతుడు
పనిపూని ఇటమీది బ్రహ్మపట్టమునకు నీ-
యనుమతి గాచుకున్నాడదె హనుమంతుడు


avadhAru chittagiMchu hanumaMtuDu vIDe
bhuvilOna kalaSApura hanumaMtuDu

rAma nI sEvakuDide raNaraMgadhIruDu
Amukonnasatwagala hanumaMtuDu
dImasAna laMka sAdhiMchi uMgaramu dechche
kAmitaphaladuDu yIghanahanumaMtuDu

jAnakIramaNa saptajaladhulu laMghiMchi
Anuka saMjIvi dechche hanumaMtuDu
pUni chukkalellA molapUsalu(gA(ga perigi
bhAnukOTikaMtitO( joppeDu hanumaMtuDu

yinavaMSa SrIvEMkaTESa nIkaruNatODa
anupamajayaSAli hanumaMtuDu
panipUni iTamIdi brahmapaTTamunaku nI-
yanumati( gAchukunnADade hanumaMtuDu


ANNAMAYYA LYRICS BOOK NO--4
SAMKIRTANA--490
RAGAM MENTIONED--MALAVIGOULA