ANNAMAYYA SAMKIRTANALU--SRUNGARAM

G.N.NAIDU

వలపుల సొలపుల వసంతవేళ యిది

సెలవి నవ్వకువే చెమరించీ మేను

శిరసు వంచకువే సిగ్గులు వడకువే

పరగ నిన్నతడు తప్పకచూచీని

విరులు దులుపకువే వెస దప్పించుకోకువే

సిరుల నీవిభుడిట్టే సేసవెట్టీని

చేయెత్తి యొడ్డుకోకువే చేరి యానవెట్టకువే

చాయలనాతడు నీచన్నులంటీని

ఆయములు దాచకువే అట్టే వెరగందకువే

మోయనాడీ సరసము మోహాన నీవిభుడు

పెనగులాడకువే బిగువు చూపకువే

ఘనశ్రీవేంకటేశుడు కౌగిలించీనీ

అనుమానించకువే అలమేల్మంగవు నీవు

చనవిఛ్ఛీనన్నునేలె సమ్మతించీ యాతడు

BKP

valapula solapula vasantavELa yidi
selavi navvakuvE cemariMcI mEnu


Sirasu vaMcakuvE siggulu vaDakuvE
paraga ninnataDu tappakacUcIni
virulu dulupakuvE vesa dappiMcukOkuvE
sirula nIvibhuDiTTE sEsaveTTIni


cEyetti yoDDukOkuvE cEri yAnaveTTakuvE
cAyalanAtaDu nIcannulaMTIni
Ayamulu dAcakuvE aTTE veragaMdakuvE
mOyanADI sarasamu mOhAna nIvibhuDu


penagulADakuvE biguvu cUpakuvE
ghanaSrIvEMkaTESuDu kougiliMcInI
anumAniMcakuvE alamElmaMgavu nIvu
canaviccInannunEle sammatiMcI yAtaDu
ANNAMAYYA LYRICS BOOK NO --12
SAMKIRTANA NO--385
RAGAM MENTIONED--SUDHDHA VASAMTAM