VEDAVATI PRABHAKAR
నానారూపధరుడు నారాయణుడు వీడే
పూనినవుమలెల్లా బొసగెనితనికి
గరిమ నేరులు వానకాలమున బెనగొని
సొరిది సముద్రము చొచ్చినయట్లు
పురుషసూక్తమున విప్రులుసేసే మజ్జనము
అరుదుగ బన్నీరెల్లా నమరే నీహరికి
అట్టేవెల్లమెయిళ్ళు ఆకసాన నిండినట్టు
గట్టిగా మేననిండెను కప్పురకాపు
వొట్టి తన విష్ణుమాయ వొడలిపై వాలినట్టు
తట్టుపుణుగమరెను దైవాలరాయనికి
నిలువున సంపదలు నిలిచిరూపైనట్టు
తెలివిసొమ్ములపెట్టె దెరచినట్టు
అలమేలుమంగ పురమున నెలకొనెనిదే
చెలరేగి శృంగారాల శ్రీవేంకటేశునకు
nAnArUpadharuDu nArAyaNuDu vIDE
pUninavumalellA bosagenitaniki
garima nErulu vAnakAlamuna benagoni
soridi samudramu coccinayaTlu
puruShasUktamuna viprulusEsE majjanamu
aruduga bannIrellA namarE nIhariki
aTTEvellameyiLLu AkasAna niMDinaTTu
gaTTigA mEnaniMDenu kappurakApu
voTTi tana viShNumAya voDalipai vAlinaTTu
taTTupuNugamarenu daivAlarAyaniki
niluvuna saMpadalu nilicirUpainaTTu
telivisommulapeTTe deracinaTTu
alamElumaMga puramuna nelakonenidE
celarEgi SRMgArAla SrIvEMkaTESunaku
No comments:
Post a Comment