ANNAMAYYA SAMKIRTANALU__TATWAMULU

AUDIO LINK
ఎవ్వరూ నాకు దిక్కు యేమని చెప్పుదునింక
అవ్వలికి యివ్వలికి హరి నీవే గాక


ఎన్నటి ప్రతిబంధమో యెంచ కామక్రోధములు
వెన్నాడి నే పుట్టితేనే వెంటా పుట్టీనీ
మున్నిటికాలమెట్టిదో వొగిమదమత్సరములు
అన్నిలోకములజొచ్చి నన్నుజొచ్చీనీ


ఎక్కడిౠణమో నాకు యీదేహభోగములు
పక్కననేడనుండినా పడిబాయవు
తక్కకేనాటికర్మమో తగ పుణ్యపాపములు
చిక్కులై కలలోన తిమ్మిరేచీనీ


ఎందరి పగో గాని యీ తమో రాజసములు
సందడించి చలములు సాధించీని
ఇందునే శ్రీవేంకటేశ యింతలోనన్నేలితివి
యిందువడి యీవే నన్ను గెలిపించీనీ

evvarU naaku dikku yEmani ceppuduniMka

avvaliki yivvaliki hari nIvE gaaka

ennaTi pratibaMdhamO yeMca kaamakrOdhamulu

vennADi nE puTTitEnE veMTA puTTInI

munniTikaalameTTidO vogimadamatsaramulu

annilOkamulajocci nannujoccInI

ekkaDiRuNamO naaku yIdEhabhOgamulu

pakkananEDanuMDinA paDibaayavu

takkakEnATikarmamO taga puNyapaapamulu

cikkulai kalalOna timmirEcInI

eMdari pagO gaani yI tamO raajasamulu

saMdaDiMci calamulu saadhiMcIni

iMdunE SrIvEMkaTESa yiMtalOnannElitivi

yiMduvaDi yIvE nannu gelipiMcInI