ANNAMAYYA SAMKIRTANALU__SARANAGATI

PADMAVATI
అయ్యో నేమరినేనప్పుడేమైయుంటినో
అయ్యెడనీదాసినైతే ఆదరింతువుగా


అల్లనాడు బాలుడవై ఆవుల గాచేవేళ
చిల్లర దూడానైతే చేరి గాతువుగా
వల్లెగా విటుడవై రేపల్లెలోనుండేనాడు
గొల్లెతనైనా నన్ను కూడుకొందువుగా

మేలిమి రామావతారవేళ రాయిరప్పనైన
కాలుమోపి బతికించి కాతువుగా
వాలి సుగ్రీవుల వద్ద వానరమై యుండినను
యేలి నన్నువనిగొని ఈడేర్తువుగా

వారిధిలోమత్స్యకూర్మావతారమునైననాడు
నీరులో జంతువునైన నీవు కాతువుగా
ఈ రీతి శ్రీవేంకటేశ యేలితివి నన్నుయిట్టె
మూరతూపుననిన్నాళ్ళు మోసపోతినిగా

ayyO nEmarinEnappuDEmaiyuMTinO

ayyeDanIdaasinaitE aadariMtuvugaa

allanaaDu baaluDavai aavula gaacEvELa

chillara dUDAnaitE cEri gAtuvugA

vallegaa viTuDavai rEpallelOnuMDEnaaDu

golletanainaa nannu kUDukoMduvugaa

mElimi raamaavataaravELa raayirappanaina

kaalumOpi batikiMci kaatuvugaa

vaali sugrIvula vadda vaanaramai yuMDinanu

yEli nannuvanigoni IDErtuvugA

vaaridhilOmatsyakUrmaavataaramunainanaaDu

nIrulO jaMtuvunaina nIvu kaatuvugaa

I rIti SrIvEMkaTESa yElitivi nannuyiTTe

mUratUpunaninnaaLLu mOsapOtinigA