ANNAMAYYA SAMKIRTANALU--SRUNGARAM

SPB

ఎటువంటివిలాసిని ఎంత జాణ యీచెలువ
తటుకన నీకు దక్కె దైవార చూడవయ్యా


మగువమాటాడితేను మాణికాలు నిండుకొనీ
పగడాలు పెదవుల పచ్చిదేరీనీ
మగిడిచూచితేనూ మంచినీలాలుప్పతిల్లీ
తగునీకు నీపెదిక్కు తప్పక జూడవయ్యా


పడతి జవ్వనమున పచ్చలు కమ్ముకొనీని
నడచితే వైఢూర్యాలూ వెడలీ గోళ్ళ
తొడిబడనవ్వితేనూ తొరిగీనీ వజ్రాలు
వొడికమైనది యీపె వొరపు చూపవయ్యా


కొమ్మప్రియాల తేనెల కురిసీ పుష్యరాగాలు
కుమ్మరించీ చెనకుల గోమేధికాలు
ముమ్మరపు చెమటల ముత్తపుసరాలు నిండీ
నెమ్మది శ్రీవేంకటేశ నీదేవి చూడవయ్యా

eTuvamTivilAsini emta jANa yIceluva

taTukana nIku dakke daivaara cUDavayyA

maguvamaaTADitEnu maaNikAlu nimDukonI

pagaDAlu pedavula paccidErInI

magiDicUcitEnU mamcinIlAluppatillI

tagunIku nIpedikku tappaka jUDavayyaa

paDati javvanamuna paccalu kammukonIni

naDacitE vaiDHUryaalU veDalI gOLLa

toDibaDanavvitEnU torigInI vajraalu

voDikamainadi yIpe vorapu cUpavayyaa

kommapriyaala tEnela kurisI puShyaraagaalu

kummarimcI cenakula gOmEdhikaalu

mummarapu cemaTala muttapusaraalu nimDI

nemmadi SrIvEMkaTESa nIdEvi cUDavayyaa