ANNAMAYYA SAMKIRTANALU__SRUNGARAM

G.MADHUSUDANARAO




అంగనకు విరహమే సింగారమాయ
చెంగట నీవే యిది చిత్తగించవయ్యా


కలికి నిన్ను తలచి గక్కున లోలో కరగి
జలజల జెమరించి జలకమాడే
బలుతమకాన నీకు పక్కన నెదురూ వచ్చి
నిలువున కొప్పు వీడి నీలిచీరగప్పేను


సుదతి నిన్ను జూచి సోయగపుసిగ్గులను
పొదలి చెక్కులదాకా బూసె గంధము
మదనమంత్రములైనమాటల మర్మము సోకి
ముదురుబులకల్ను ముత్యాలు గట్టెను


గక్కన కౌగిట నిన్ను గలసీ యీమానిని
చొక్కి చంద్రాభరణపు సొమ్ములువెట్టె
అక్కున శ్రీవేంకటేశ అలమేలుమంగ నీకు
దక్కి సరసములను తలంబ్రాలు వోసె

aMganaku virahamE siMgAramaaya

ceMgaTa nIvE yidi cittagiMcavayyaa

kaliki ninnu talaci gakkuna lOlO karagi

jalajala jemariMci jalakamaaDE

balutamakaana nIku pakkana nedurU vacci

niluvuna koppu vIDi nIlicIragappEnu

sudati ninnu jUci sOyagapusiggulanu

podali cekkuladAkA bUse gaMdhamu

madanamaMtramulainamATala marmamu sOki

mudurubulakalnu mutyAlu gaTTenu

gakkana kougiTa ninnu galasI yImaanini

cokki caMdraabharaNapu sommuluveTTe

akkuna SrIvEMkaTESa alamElumaMga nIku

dakki sarasamulanu talaMbrAlu vOse

ANNAMAYYA LYRICS BOOK NO--21

SAMKIRTANA NO--415

RAGAM MENTIONED--SRIRAGAM